Tuluit Nunaanni nakorsat kræfteqartumut nakorsaat unnersiutigaat
Tuluit Nunaani niviarsiaraq 13-nik ukiulik katsorsarneqarsinnaanngitsumik aammigut kræfteqartoq Tuluit Nunaanni nakorsat nakorsaat siornatigut atorneqarsimanngitsoq atorlugu niviarsiaraq ajorunnaarsinneqarpoq.
Niviarsiaraq 13-nik ukiulik Alyssa aammigut kræfteqarsimavoq timaanullu siaruaatereersimalluni.
Aammigut kræfteqarnera katsorsarniarlugu maannamut ilisimaneqartut atorlugit katsorsarniarneqarsimagaluarpoq tamarmilli iluatsinngimmata, nakorsaat nutaaq atuleramiuk iluatsippoq ajorunaarlunilu.
Tuluit Nunaanni napparsimmavimmi Great Ormond Street Hospitalimi nakorsat nakorsaat ineriaratortissimasartik misiligutitut niviarsiaqqamut atorpaat, timip sananeqaataanut naleqqussagaq atorlugu.
Inuup kræfteqanngitsup aavata qaqortortai atorlugit nakorsaat ineriartortinneqarpoq.
Nakorsaat taana atorlugu katsorsaaneq ullut 28-it qaangiummata Alyssa pitsanngoriartorpoq, qaammatillu arfinillit qaanngiummata kræfteqarunnaarpoq. Niviarsiaraq Alyssa suli nakkutigineqarpoq.
- Alyssa Liecesterimi angalersimaffimini ajunngilaq, katsorsartsinnermi kingorna suliareqqinneqarluni.