Tuluit ministeriunerat tatisimaneqaleraluttuinnarpoq
Illuatungiliuttut siuttuata, David Camoronip, ministeriuneq pingaakujuttutut, pissutsinullu piviusunut malinnaanngitsutut, taavaa, qinersisoqarnissaalu piumasaralugu.
- Nunatta aqunneqarnerata nutarternissaanut innuttaasut aperisariaqarput, Cameron piumasaqarpoq. Brownilli qinersisoqannginnissaa erseqqissaqqippaa.
Siunissami peqquserluuteqartarnerit pinngitsoortittalerniarlugit Inatsisartuni ilaasortat allannguutaasinnaasunik oqallipput.
Siunnersuutit ilagaat aningaasanik atuisimanernut uppernarsaatit qaammatit pingasukkaarlugit kikkunnit tamanit takuneqarsinnaanngorlugit saqqummiunneqartalernissaat.
Ministeriunerup Brownip nalunaarutigaa parteeqatimi naalakkersuisuutitaqartut aningaasanik atornerluisimasut tulliani qinersisoqalerpat qinigassanngorteqqinnginnissaat aalajangiusimagini.
