Tuluit Issittumi sakkutuuliisut

Tuluit Nunaanni illersornissamut ministeri Gavin Williamson aviisimut Sunday Telegraphimut taama oqarpoq.

Sakkutuut immikkut sungiusakkat 800-t tamanna pillugu Norgeliartinneqassasut, taassuma nalunaarutigaa, tassani sakkutooqarfiliortoqarniarluni.

Tuluit Issittumi illersornissamut iliuusissatut pilersaarut Tuluit Nunaanni naalakkersuisut pilersuusiuleruttoraat, Williamsonip Sunday Telegraphimut oqaatigaa.

Russimmi Issittumi saqqumilaarnertik annertuseriaannassagaat tuluit naalakkersuisuisa naatsorsuutigaat.

Qalasersuup tungaanut sikup aakkiartuaarnera ilutigalugu russit Issittumi uuliasiornerulernissaat aamma naatsorsuutigineqarpoq.

- Russit aqqartartuisa tamaani amerliartornerat maluginiarparput, Sorsunnerup Nillertup nalaanisut amerlatigingajallutik, tamannalu pillugu uagut nammineq iliuuseqartariaqarpugut, Gavin Williamson oqarpoq.

Tuluit sakkutuui 800-t ukiuni tulliuttuni qulini ukiuunerani ukiut tamaasa Norgeliartinneqartalissapput.

Sakkutuut USA-meersut, Holandimeersut Norgemeersullu suleqatigineqassapput.