Tuluit inuusuttaat imerajuttut

Inuusuttut imigassartornerminnik aqutsisinnaanngitsut Tuluit Nunaanni ima ajornartorsiutaatigipput, allaat tuluit naalagaaffimmi pissutsinut ministeriat, Jacqui Smith imaannaanngitsumik pilersaarusiortariaqalersimalluni.

juunip 02-at 2008 08:02

Inuusuttut angajoqqaavisa eqqartuussivimmut tunniunnissaat ministerip piareersimaffigaa, meeqqamillu imertarnerujussuannut akisussaatinneqarnissaat erseqqissarusuppaa, BBC News taama allaaserinnippoq.

Aallaqqaammut angajoqqaat pikkorissartinneqarsinnaapput, taamaalillutik meeqqamik imerajunnerisa iliuuseqarfiginissaannut atorsinnaasaminnik ilikkagaqarniassammata, ajornerusumillu pisoqartillugu anaana ataatalu eqqartuussivitsigut malersorneqarsinnaapput.

Jacqui Smith isumaqarpoq, imigassamik atornerluineq aamma inuusuttut pissusilunnerat imminnut attuumassuteqartut.

- Kikkut tamat ornittagaanni inuusuttut 18-it inorlugit ukiullit imertut takussaavallaaqaat. Imernerujussuup pinerlunniarneq annerulersittarpaa inuusuttullu sunnerteqqajaasarlutik, tamannalu unitsikkusuppara. Malittarisassat nutaat erseqqissumik killiliisuussapput, Jacqui Smith BBC-mut oqarpoq.

Tuluit inuusuttaat imerajuttut

Aamma atuaruk