Tuluit Influenza A-nik nualluttut marloriaammik amerlipput
Tuluit Influenza A-mik napparsimasut sapaatip akunnerata ataatsip ingerlanerani marloriaammik amerlipput. Nualluttullu maanna 100.000-iupput, taama aviisimi Telegraphimi allaaserinnittoqarpoq.
Allattoq Oline I. Olsen
juulip 24-at 2009 07:19
Tuluit Nunaanni nualluttut maanna 840-t napparsimavinni uninngasut, nakorsaaneq Liam Donaldson oqarpoq.
Taakkunannga 63-it peruluttut inaanniipput.
Influenza A-mik nualluttut akornanni meeqqat perulunnerpaasaarput, tamannalu aamma Tuluit Nunaanni maluginiarneqarpoq, tassami napparsimavinni nalasut 840-t akornanni meeqqat 169-it uninngammata. Meeqqallu aqqaneq marluk peruluttut inaanniisinneqarput.
