Tullersortinngornialli tassa Sarah Palin aamma Joseph Biden nalornisunganngillat. Ilisimaneqarpormi republikanerit sinnerlugit præsidentinngorniap John McCainip sinniisussaata Sarah Palinip Alaskami nunani eqqissisimatitani uuliasiorneq namminersortunit ingerlanneqartoq tapersersorluinnaraa. Sulili taassuma maannamut assortorpaa inuit ataasiakkaat nunarsuatta kiatsikkiartorneranut pisuusimasinnaanerat.
Sara Palin nammineq Al Goretut isumaqannginnerarpoq. Qinigassanngortinnermilu kingorna nangaamisaalerunarluni nannunik eqqissisimatitsinissamik siunnersuutini sakkukillisippaa.
Demokraatit præsidentinngortinniagaata Barack Obamap tullersortaata Joseph Bidenip siunnersuutigaa ukioq 2050 nallertinnagu USA-p CO2-mik mingutitsinera
80 procentimik annikillisinneqassasoq. Taamatuttaaq nunarsuarmioqatigiinnut silap kissatsikkiartornerata akiorneqartariaqarnera kaammattuutigaa, issittumilu uuliasiornissamut akerliunerarluni.