Tulaassukkat 2007-imi ikiligaluartut saarullittat amerliariangaatsiarput
Saarullinnik tulaassuineq Kalaallit Nunaanni aalisarnermik 2007-imi napatitsisuusoq kisitsisit Kalaallit Nunaanni Naatsorsueqqissaartarfimmeersut takutippaat.
Allattoq Mads Lynge
Qaleralinnik saattuanillu tulaassuinerit appariartut, saarulliit tulaassorneqartut qaffariangaatsiarput. Saarulliit 11.702 tonsit 2007-imi tulaanneqarput, 2006-imut naleqqullugu 36 procentimik qaffariaataalluni.
Saattuanik tulaassuineq 29 procentinik aamma appariarpoq, qaleralinnillu tulaassuineq 12 procentinik appariarluni.
Raajanilli tulaassuineq 2007-imi qaffariaateqalaarpoq, raajat tulaassat 62.000 tonsit sinneramikkit. Allatut oqaatigalugu: Raajanik 2007-imi tulaassuineq 2006-imut naleqqiullugu 3 procentimik qaffariarpoq.