Trumpip siunnersortigisimasami Roger Stonep parnaarussaanissaa taamaatitikkaa
Præsidentip illorsuaniit arfininngornermut unnuaani taama nalunaarput.
- Roger Stone anniareeqaaq. Naapertuutinngitsumik pineqarpoq. Roger Stone maanna aniguivoq, præsidentip illorsuaniit oqaaseqaammi allassimapput.
Inuttaatalu tusagassiortut angerlarsimaffimmi silataani naapikkamigit oqiliallaqqaqaaq.
- USA-p præsidetiata nuanneqisumik aatsaarluinnaq sianerfigaanga, piginnaatitaanini atorlugu uannut eqqartuussissut atoruminarnerulersillugu oqaluttuuppaanga, naalakkersuinermut siunnersortaasimasoq oqarpoq.
Roger Stone Kongressimut sallusimasutut russillu USA-mi 2016-imi qinersinermut akuliussimanerannut immikkut unnerluussisussaatitaasup Robert Muellerip misissuerneranik ajoqusersuisimasutut novembarimi pisuutitaavoq.
Qaammatinilu 40-ni paarnaarussaasussatut februaarimi eqqartuussaavoq.
- Ilaasa orullutiginninnerattut, præsidenti illersoramiuk eqqartuussivilersuunneqanngilaq. Præsidentip suliai matoorsimagamigit eqqartuussivilersuunneqarpoq, naalagaaffeqatigiit eqqartuussivianni eqqartuussisoq, Amy Berman Jackson, eqqartuussut atuaramiuk Reutersip allagaaa naapertorlugu oqarpoq.
