Trumpip sillimaniarnermut siunnersortigisimasani pillagassaajunnaarsikkaa

Michael Flynn Rusland pillugu misissuisoqarnerani FBI-imut sallusimanerminik 2017-imi nassuerutiginnittoq pillagassaajunnaarsinneqarpoq.
Trumpip qanimut suleqatigisaminit Flynn Rusland pillugu misisissuisoqarnerani pisuusutut eqqartuunneqarsimasunit pillagassaajunnaarsitaata aapparaa. Assi © : Jim Watson/AFP/Ritzau Scanpix
Allattoq Ritzau
novembarip 26-at 2020 13:49
Nutserisoq Bibi Nathansen

USA-p præsidentiata, Donald Trumpip, USA-mi sillimaniarnermut siunnersortaasimasoq Michael Flynn pillagassaajunnaarsippaa.

Trump Twitterimi pingasunngornermi unnukkut taama allappoq.

AAMMA ATUARUK Trumpip sillimaniarnermut siunnersortaa tunuartoq

- Nuannaarutigalugu nalunaarutigissavara general Michael T. Flynn pillagassaajunnaarsinneqarmat, præsident allappoq.

Flynnip amerikamiut præsidentimut 2016-imi qinersineranni russinik akuusoqarsimasinnaanerata misissuiffigineqarnerani FBI-imut sallusimanini 2017-imi nassuerutigaa.

Michael Flynn Ruslandip USA-mi aallartitaanik Trumpip præsidentitut atuuffimmi atuutilernissaanut sapaatit-akunnialuit siooqqullugit oqaloqateqartarsimanini pillugu qasseeriarluni sallusimavoq.

AAMMA ATUARUK Trumpip siunnersortigisimasami Roger Stonep parnaarussaanissaa taamaatitikkaa

Trumpip qanimut suleqatigisaminit Flynn Rusland pillugu misisissuisoqarnerani pisuusutut eqqartuunneqarsimasunit pillagassaajunnaarsitaata aapparaa.

Trumpip qanimut siunnersortigisimasani, Roger Stone, ukiuni pingasuni februaarimi parnaarussaasussanngortinneqartoq aamma pillagassaajunnaarsippaa.

Aamma atuaruk