Trumpip sakkutuuni 10.000-it Tysklandimit angerlartilerai

Amerikamiut sakkutuunik ikililiinera USA-p Europami soqutigisai pillugit ernumanartoqartitsissasoq naatsorsuutigineqartoq, Reuters allappoq.
Beslutningen vil sandsynligvis føre til bekymring flere steder i Europa vedrørende USA's involvering og interesse i kontinentet. Assi © : Christof Stache/AFP/Ritzau Scanpix
Allattoq Ritzau
juunip 16-at 2020 10:33

Amerikap præsindetiata Donald Trumpip sakkutuut 9500-t Tysklandimit angerlartinniarpai.

Præsidenti ataasinngornermi tusagassiortunik katersortitsinermi taama oqarpoq.

Amerikamit sakkutuut Tysklandimut aallartitat 34.500-nit 25.000-inut ikilisinneqarnissaat USA-mi atorfilittap atiminik isertuussisup oqariartuutaa Trumpip taamaalilluni timitalerpaa.

Trump kimigiisereernikuusoq

Tysklandip illersornissamut aningaasalersuinera Trumpip oqarnera naapertorlugu Natop aningaasalersuinermut piumasaqaataanut naapertuutinngillat. Tysklandilu naammattunik sakkutuulersunngimmat USA-p sakkutuunik angerlartitsivoq.

Europami USA-p soqutigisaqarfiini sakkutuunik angerlartitsineq isumakuluutigineqalernissaa ilimagineqarpoq.

Tysklandimi illersornisamut Trumpip siornatigut aningaasartuuteqarnerulernissaa anguniartaraluarpaa. Tyskit naalakkersuisui russinut "paarnaarussaanerarlugit" Trumpip siusinnerusukkut isornartorsiorpai, Tysklandip nukissiuuteqarnermut politikkianut naalagarsiornerarlugit.

/ritzau/Reuters

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq