Saamaanneqartut ilagaat Trumpimut siunnersortaasimasoq, Steve Bannon. Taanna allat pingasut peqatigalugit, USA-p Mexicomut killeqarfiani namminersortut qarmarsualiortoqassanerarlugu aningaasaliisoqarnissamik peqquserluttuliorsimapput.Assi: Mandel Ngan/AFP/Ritzau Scanpix

Trumpip saammaassai 73-iusut

USA-p præsidentiata inuit 73-it saammaakkai 70-illu pineqaatissiissutaat sivikilligai, præsidentip illorsuanit ilisimatitsipput.

Donald Trump præsidentiujunnaarnissaanut ulloq affaannanngortoq, pinerluuteqasimallutik pineqaatissinneqarsimani 73-it samaammaanneqarput.

Inuit allat 70-it pineqatissiissutaat aamma sivikillivai.

Præsidentip illuasuanit Det Hvide Husimit taama nalunaarput.

Saamaanneqartut ilagaat Trumpimut siunnersortaasimasoq, Steve Bannon. Taanna allat pingasut peqatigalugit, USA-p Mexicomut killeqarfiani namminersortut qarmarsualiortoqassanerarlugu aningaasaliisoqarnissamik peqquserluttuliorsimapput.

USA-mi ileqquuvoq, præsidenti præsidentiunnaarnissani sioqqullugu, pineqaatissinneqarsimasunik saammaassisanera pineqatissiissutaalluunniit sivikillisarlugit.

AAMMA ATUARUK Tusagassiorfiit: Trumpip inunnik 100-nik saammaassinissani præsidentiujunnaannginnerminni isumaliutigigaa

Rappertartoq Lil Wayne saammaassaanut ilaasoq, rappertartullu allap, tassa Kodak Blackip pineqaatissiissutaa sivikilligaa, præsidentip illorsuanit nalunaarput. Taakkua USA-mi sakkut pilllugit inatsimmmik unioqqutsisimasutut pineqaatissinneqarsimapput.

Trumpip kongressimi ilaasortaasimasoq, Robin Hayes, peqquserlunneq pillugu suliami eqqunngitsumik nalunaaruteqarsimanini pillugu ukiumi ataatsimi parnaarussassanngortinneqarsimasoq, saammaassaata aamma ilagaat.

Trump ilaquttani ilanngullugit imminut saammaakkumaarnersoq, tusagassiuuterpaalunnit isumaliutigineqarsimavoq. Taamaaliornavianngitsoq, trumpip allattoqarfia pingasunnngornermi ilisimatitsivoq.

Trumpip ajorsarnini suli akuersaarnagulu Biden ajugaaneranut suli pilluaqqunngilaa. Præsidentiujunnaartussallu præsidentinngortussamik qaaqqusisarnera ileqquugaluartoq, Biden præsidentip illorsuanut aamma qaaqqunikuunngilaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat