Trumpip qarmarsualiornissaa qallisoq

Aningaasammi qarmarsualiornissamut atorneqarsinnaasut, USA-p illersornissaqarfiata Pentagonip aningaasaliiffigineqarnermi ilaanik 3,6 milliardit dollarinik, tassa 25 milliardit koruuningajannik, immikkoortikkusuppai.

USA-p illersornissaqarfiata iluani suliniutinut assigiinngitsunut 127-nut aningaasaliissutit qarmarsualiornissamut nuunneqarnissaat, illersornissamut ministerip Mike Esperip akuersissutigaa.

Pentagonip aningaasaqarnermut pisortaata Elaine McCuskerip oqaatigaa aningaasaliissutit ilaat qarmarsualiassap ilaanut atorneqassasut, qarmarsuup ilaanik 280 kilometerinut atorneqassallutik.

Qarmarsualiornerup aappaagu 2020-mi januaarip ulluisa 16-ianni aallartittussatut pilersaarutigineqarpoq.

USA-mi demokratit, senatimi ikinnerussuteqartut, siulittaasuata Chuck Schumerip, taama aalajangertoqarnera isornartorsiorpaa.