Trumpip nunatsinniittuutaa qaaqqusisuusoq

Amerikamiu aningaasaatilissuup suliffeqarfinni peqatigalugu amerikamiut aallartitaannik Sisimiunut qaaqqusisuupput. Kalaallilli politikkikkut oqartussaasuisa itigartinnerat, Kalaallit Nunaata USA-llu akornanni attaveqatigiinneranut ajoqusiisumik kinguneqartoq taassuma oqaatigaa.

Allattoq Markus Valentin

marsip 28-at 2025 14:22

Nutserisoq Steve Pedersen Hinrup

Tom Dans Vicepræsidentip nulia Avannaata Qimussersuanut qaaqqusinnituuvoq, Donald Trumpip 'Nunatsinniittuutaamik' taaneqartoq.

Attaveqatigiittarfimmi, X-imi taassuma ikkussaani tamanna erserpoq.

Tom Dans suliffeqarfimmi American Daybreakimi pisortaavoq. Nunatta USA-llu qaninnerulernissaat suliffeqarfiup anguniagaraa.

Pingaartumik januarimit aallartilluni Tom Dans suliffeqarfiutaalu Donald Trump Jr.-ip nunatsinni tikeraarneranut atatillugu pingaaruteqartorujuupput. Tamatuma saniatigut taanna qammakkiortartoq nersorneqartartumit, Jørgen Boassenimik, peqateqarluni Inatsisartunut qinersinerup nalaani nunatsinni angalasarsimavoq.

For immediate release:
AMERICAN DAYBREAK

X: @tomdansCFA
Instagram: @AmericanDaybreak
dans@americandaybreak.org

Friends, many have been asking about American Daybreak and our role in the Second Lady’s proposed trip to Greenland this week. I felt it important to share with you…
— Tom Dans, CFA 🇺🇸 (@TomDansCFA) March 25, 2025

Avannaata Qimussersuanik aaqqissuisut 'qanittumik attaveqatigisimallugit' USA-llu aningaasaliinissaa sulissutigisimallugu, attaveqatigiittarfimmi, X-imi nammineq tamanna allappaa.

- Qimussinik sukkanniunneq peqatigalugu American Daybreakip sivisuumik sulissutigisimavaa piorsarsimassutsikkut-, inuussutissarsiornikkut-, naalakkersuisoqarfimmilu USA-mi aqutsisut aaqqissuussaq peqataaffigisinnaanerussammassuk, Toms Dans X-imi taama allappoq.

Ajorineqarneranik pakatsineq

Kalaallit amerikamiut aallartitaannut 'akerarinninnerat' amerikamiumut aningaasaatilissuarmut pakatsinarpoq. Toms Dansilu naapertorlugu kalaallit politikeriisa itigartitsinerat, nutaarsiassiorfiit sakkortusaanerannit peqquteqarpoq.

Amerikamiut 'ataqqeqatigiillutik soqutigisaqatigiiffiillu' aallaavigalugit ataqatigiinnermik pilersitserusukkaluartut, taanna allappoq. Donald Trumpilli J.D. Vancellu nunatsinnik tiguaarusunnerat allatamini eqqaanngilaa.

- Ukua tusagassiorfiit kalaallillu atorfilittai ingattarserlutik qisuariarnerat ataqqeqatigiinnermik, soqutigisanik avitseqatigiinnermik inussiarnisaarnermillu USA-mit sivitsortumik neriuutigisimasaanik sequtserisoq, Tom Dans X-imi allappoq.

Suliffeqarfinnilu American Daybreak Avannaata Qimussersuani ilaaniarunnaartoq, tapersersornerali attatiinnassallugu, taassuma ilannguppaa.

Qaaqqusinerlu qanoq pinngorsimanersoq KNR-ip Tom Dans oqaaseqartinniarsaraa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.