Kalaallit Nunaata oqaasissaqarfiginissaanik oqallinneq Donald Trumpip suli puigorsimanngilaa.

Aasiit Truth Social-imi Kalaallit Nunaat unnuaq eqqartorpaa.

Ilanngullugu ernermi Kalaallit Nunaat tikeraarnissaanik tusatsiakkat ilumut taamaanneranik naqissuserpaa.

-Nuna tupinnartoq ornigineqartorlu ernerma Don Jr.-ip tikeraassavaa.

-Kalaallit Nunaat pikkunartorsuuvoq, nunamilu inuiaat iluaqutigissavaatigut. Nunarsuarmi amiilaarnartunik eqqarsarsinnaasoqarmat, uagut paarissavarput, Trump allappoq.

Qineqqusaarnermini oqariartaaseraa "Make America Great again", nunarpullu pillugu ima naggasiilluni oqarpoq: "Make Greenland Great Again".

Donald Trumpip inoqatinut attaveqatigiittarfik pilersitami Truth Social-imi takutippaa: kalaaleq aperineqartoq, sooq Kalaallit nunaat Trumpip pisiarissaneraa, ima akivoq (naalisarpara):

-danskinit nunasiaataanerput naammakkami.