Præsidentip aningaasaqarneq ingerlalluarsoraa USA-mullu ataqqinnittoqaleqqissoralugu. Assi: Leah Millis/Reuters/Ritzau Scanpix

Trumpip aningaasaqarnikkut siuariartortoqarnera oqalugiarnermini nersualaarutigaa

Trumpip inuiaqatigiinnut ukiumoortumik oqalugiaateqarnermini amerikamiut neriorsuutigisimasani sammivaa.

USA-p præsidentiata, Donald Trumpip, State of the Unionimik oqalugiaateqarnerata ilarujussua angusaminik politikkiminillu pilerisaaruteqarneranik tupaallaataanngitsumik imaqarpoq.

Trumpip amerikamiut aningaasaqarnerat ingerlalluartoq pingasunngornermi unnukkut oqalugiarnermini erseqqissaatigaa, oqalugiaamminilu rigsrettimi sassartinneqarnini pingasunngornermi aalajangiiffigineqartussaq ataasinnguamilluunniit oqaaseqarfiginngilaa.

- Ukiut pingasut matuma siorna amerikamiut uteriartoqqilerput. Angusat kusanarluinnartut ilissinnut avitseqatigiissutiginiarlugit unnukkut manna saassinni qeqqisimavunga, Trump oqarpoq.

Præsidentip aningaasaqarneq ingerlalluarsoraa USA-mullu ataqqinnittoqaleqqissoralugu. Trumpip suliffissaaleqisut sumiiffinni assigiinngitsuni asseqanngitsumik ikittuararsuunerarpai.

Trumpip Pelosillu akerleriittut

Trumpip tununnguani Nancy Pelosi demokraatit Sinniisut illuanni siulittaasuat issiavoq. Taassuma præsidenti oktobarimi kingullermik oqaloqatigaa.

Trump Kongressimi oqalugiartarfimmut takkummat Pelosip assamminniaraluarpaa, præsidentillu tamanna takunngitsuusaanngikkuniuk maluginngilaa. Præsidentilu oqalugiareermat Nancy Pelosip Trumpip oqalugiaataata allagartaata assilinera filmiliutit ingerlasut saanni sissorpaa.

State of the Union tassaavoq ukiumoortumik oqalugiarneq, tassani USA-p præsidentia Kongressip ataatsimiittartoqatigiivinut marlunnut tassa Senatimi Sinniisullu Illuanni ilaasortat oqalugiarfigisarpai.

Oqaluartoqareernerit tamatigut illuatungiliuttut akerliullutik akissuteqartarput. Tamatumuunalu Demokraatit kongressimi ilaasortaat, Gretchen Withmer akissuteqartuuvoq. Taassuma præsidentip oqalugiaataa ingattarsertuusoraa – minnerunngitsumik USA-mi pigissaannginnerusunut.

- Inuit millionikkaat inuuniarnermikkut unammissuteqarput imaluunniit qaammat naaleraangat angallanniarnermut, ilinniarnerminni atukkaminnut, nakorsaatissaminnut aningaasassaaleqisarput, Gretchen Withmer oqarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat