Ministeriuneq: Trumpi pimoorussisoq. Kalaallit Nunaat kissaatigigaa

Qallunaat ministeriunerat Mette Frederiksen Danmarks Radiomit apersorneqaqqammerpoq, tassanilu Kalaallit Nunaat tapersersorpaa USA-lu akuerisinnaanagu.

USA-p kimigiisernera “akuersaarneqarsinnaangitsutut kimigiisernerlu akiorumaaripput” oqaatigaa.

- Nunanit allanit sinniisunik pisortatigoortumik tikeqateqarneq namminerisamik angalanertut taaneqarsinnaanngilaq. Kalaallit Nunaata taamatut tikeraarneqarnissaq piumasarinagu oqaatigereerpaa. Naalakkersuisoqanngimmallu pisortatigoortumik ataatsimiinnerit pisinnaanngillat, Mette Frederiksen oqarpoq.

Donald Trumpip nalunaarutai ilumoorussingaatsiartutut isigineqassasut ministeriunerup ilanngullugu erseqqissaatigaa.

- Præsident Trumpi pimoorussillunilu asuliinngilaq. Kalaallit Nunaat kissaatigaa. Taamaattumik sunulluunniit attuumassuteqanngitsutut isigineqarsinnaanngilaq.

Nunat tamalaat tapersersuisut

Nunanit avannarlernit allanit tapersersorneqanngippallaarneq Pipaluk Lynge (IA) aamma Aqqalu Jeremiassen (A) amigaatigigitsik ullut sisamat matuma siorna KNR-imut oqarput.

Isornartorsiuinerli taanna ilumiinngitsoq Mette Frederiksen oqarpoq.

- Nunanit avannarlerniit EU-milu suleqatigisatsinniit malunnaatilimmik tapersersorneqartugut oqaatigisinnaavara.

Amerikamiunik suleqateqarneq

Taamaakkaluartoq USA-mik qanimut suleqateqarnissaq suli pingaaruteqartoq qallunaat ministeriunerata erseqqissaatigaa.

Kalaallit Nunaat Danmarkiluunniit allamik oqaaseqarnikuunngitsut, Mette Frederiksenip oqaatigaa.

- Amerikamiunik suleqateqarnissaq Danamarkimiit Kalaallit Nunaanniillu taamaallaat kissaatigineqarpoq. Amerikamiunik suleqateqarnissamik kissaateqannginnerput uppernarsaatissaqanngilaq.