Trump: Islamisk Statip siuttua toquvoq
Nunatsinni nalunaaquttap qulip missaani præsedentip Donald Trumpip tusagassiortunik katersuutsitsinermini Islamisk Statip siuttuata toqunera oqaatigaa.
Tamanna Syriep avannaata kitaa tungaani pivoq.
Trumpip oqarnera naapertorlugu Baghdadi uiverluni toqutaavoq. Timimigut qaartartunik qitequteqarluni, nunap iluanut paarngorluni anillaffissaqarnani, sakkutuunik unguneqarsimalluni imminut qaartippoq.
- Angut napparsimavoq, Trump oqarpoq.
Taassuma oqarnera naapertorlugu amerikamiut sakkutuui immikkut piginnaangorsarnikut sakkulisarlutik,isumannaallisarsimasut Baghadadi pisaraat.
Trumpip tamatumunnga Rusland, Tyrkiet syriamilu kurderit Baghdadip toqutaanissaanut tapersersuisimammata qutsavigai, tamannalu iluatsilluarnerarlugu.
- Ersituutut ililluni toqutaavoq. Nunarsuarput isumannaannerulerpoq, Trump oqarpoq.
- Ukiuni pingasuni ujarnikuuara.
Taassuma oqarnera naapertorlugu amerikamiut sakkutuuisa siuttumik toqutsiniarnerminni akunnerit marluk atorpai. Saassussinermi qulimiguullit arfineq pingasut saassusseqataapput.
Saassussineq toqqaannartumik isiginnaarutikkut Trumpip præsidentillu tullersortaanit Mike Pencemit malinnaaffigineqarput.
Baghdadillu meerai pingasut saassussiffimmi toqutaasut toqqaannartumik malinnaanermini takusinnaasimavai.
/ritzau/
