Coronamut misissortinnissamut atortut Aarhusiliaanneqarput
Coronavirusip Region Nordjyllandimi, Danmarkip kujasissortaani Region Syddanmarkimi, illoqarfiillu pingaarnersaanni Københavnimi Region Hovedstadenimi siaruaatilertormat inunnik misissuiartortitat, misissuinissamullu atortut Aarhusiliaanneqarput.
Aviisi Ekstra Bladet taama allaaserisaqarpoq.
Aarhusip kommunia coronavirusimik tuniluutilertorfiuvoq.
Tamaani oqartussat assigiinngitsutigut killilersuilerput peqqussuteqarlutillu. Bussernermi qimuttuitsornermilu qanermut assiaquteqartarnissaq piumasaqaataalerpoq, soorlu aamma inuusuttut ilinnialernissaat kinguartinneqartoq.
Coronavirusimik tunillatsissimanerluni misissortiffissat Aarhusimi eqqaanilu napparneqarput, inuppassuillu misissortinniarlutik siuleriiaarlutik utaqqisut ippassaq tallimanngornermi nalunaarutigineqarpoq.