Tour de France KNR-TV-kkut

Sikkilerluni unammersuarneq, Tour de France Hollandip illoqarfiisa ilaanniit Rotterdamimit ullumi aallartippoq, aallarniutigalugulu ingerlaarfiat 8,9 kilometerisut isorartutigaaq.
Allattoq Apollo Jeremiassen
juulip 03-at 2010 13:22

KNR-TV-kkut aqagumiit ullut tamaasa, juulip 24-at ilanngullugu, Tour de France isiginnaarneqarsinnaavoq.

Tour de Francemik aallakaatitsinerit aallartittassapput ullaap tungaanit nalunaaqutaq quliniit ataatsip tungaanut. Unnukkut Tour de France studiamiit nanginneqartassallutik.

Tamakkuli pitinnagit ualimut nalunaqutaq tallimap qeqqaniit, arsaattunik nuannarisaqartut isiginnaarsinnaavaat Spaniap Paraguay-imut unamminerat. Semifinale-mut anngunniunnermi ullumi unammipput Tyskland Argentinalu. Tyskland ajugaavoq 4-0-mik.

Marlunngorpat Holland aamma Uruguay semifinaleqqaassapput, Tysklandillu unammisassaat kikkuuneri paasinarsissapput ualimut arsaattut naammassippata. Spanien imaluunnit Paraguay pingasunngorpat semifinalilerpata aammaa KNR-TV-kkut isiginnaarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq