Tour de France-imi peqataasut ilaata quua aamma misissuiffigaat
Cykkilernersuaq Tour de France quianarsiartuinnartutut isikkoqarpoq. Frankrigimi aviisit ilaat, L’Equipe, malillugu peqataasut ilaat nukkassaatinik atuisimanersoq paasiniarlugu quua misissorneqarsimavoq. Kinali misissuiffigineqarnersoq oqaatigineqanngilaq.
juulip 25-at 2007 12:14
Danskeq peqataasoq Michael Rasmussen, maanna siuttuugallartoq, isiginnaartunit sukkaniuteqatiminilluunniit maanna nuannarineqanngilluinnarpoq. Ingerlaarfiit 16-issaat ullumi aallartimmat danskeq taanna sungaartunik atortoq isiginnaartunit avaallanneqarpoq, tassami tukkaavini tukillaatai aallarsarpoq, naak nukkassaatinik atuisarneq akerleralugu holdit ilaat aallaqqaammut uninngaannarniarlutik aalajangersimagaluartut.
Holdit arlallit aamma oqaluuserisimagaluarpaat ingerlaarfik tamaat eqqissivillutik ingerlarusaarniarlutik, aamma normoqarniarnatik isumaqatigiissimagaluarlutik, tamannali pinngitsoortinneqarpoq.
