VIDEO Torlussortartoq Canadamiu nipilersortartunut nersornaasiuttakkamik tunineqartoq
Tanya Tagaap, ingiorneqarani torlorsortarnera takornartaavoq, tassami torlussortartut marluullutik amerlanerullutilluunniit torlussortaramik.
Polaris Music Awardimik nersornaasiisoqarnissaanut atatillugu tusarnaartitsisoqarmat, Tanya Tagaq, nipilersoqatigiit 30-nik inuttallit ingiortigalugit torlorsorpoq, politikkikkut ilaatigut aamma oqariartuuteqarluni.
Arnarpassuit naggueqatigiit Inunneersut, Canadamilumi nunap inoqqaavineersut allat, ukiut ingerlaneranni aallarunneqarsimanngikkunik toqutaasimasut aqqi, Tanya Tagaap torlorsornerani isiginnaarutitigut takuneqarsinnaapput.
Uumasunik illersuiniaqatigiiffiit, pingaartumik puisinniarnernik isorinnittut, nersornaaserneqarnerminut atatillugu qujassuteqarnermini isornartorsiorpai, uumasunik illersuiniaqatigiiffissuaq PETA ilaatigut saassunneqarluni.
Puisinniaqqusaannginnermik oqarneq assuarnartuuvoq. Assigiinnarpaa naggueqatigiit inuit naalungiarsuttai meerartaasalu tamuaavinik arsaaraanni, Tanya Taga ilaatigut taama oqarpoq.
Tanya Tagaq tusanaartitsineranik videoliaq ataani isiginnaarneqarsinnaavoq:
