Tasiilami ukiortaami toqutsinermut atatillugu angutip 19-nik ukiullip toqutsisimasutut pasineqarluni tigummigallagaanera, sapaatit akunnerinik sisamanik sivitsoqqinneqarpoq.
Ukiortaami taamani 13-eriarluni savimmik kapoorneqarluni toqutaavoq, atuarfeqarnermut kultooreqarnermullu pisortaq, Rolf Geisler.
Toqutsereernerup kingorna, toqutaasup aappa pasineqarluni tigusarineqaraluarpoq, kingusinnerusukkulli angut alla 19-nik ukiulik toqutsisimasutut pasineqarluni tigusarineqarluni. Tigusarineqartorlu taanna toqutsisimanerminik politiinut nassuersimavoq.
Angutip toqutsisuusup tarnikkut pissusai qaammatini kingullerni arlaqalersuni misissugarineqarsimapput, maannalu misissugarineqarnera naammassisimalerluni retslægerådimit nalilerneqartussanngorluni.
Retslægerådip naliliiniartarnerata sivisusarnera nalinginnaasuusarpoq, naliliineq eqqartuussinermi atorneqartarmat.