Toqutsisoqarsimanissaa ilimaginngilaat

Angut Sinarsuani toqungasoq oktobarip aallartilaarnerani nassaarineqartoq pillugu politiit paasiniaanerat toqutsinertut aallaqqaammut isigineqartoq, maanna naammassingajalerpoq.
Allattoq Louise M. Kleemann
novembarip 08-at 2011 10:12

Qaammat ataaseq qaangiuppoq angut 46-nik ukiulik Sinarsuani toqungasoq nassaarineqarmat. Politiit paasiniaanerminni inuit 20-t missaat killisioreerlugit suliaq naammassingajalersutut maanna nalilerpaat.

Toqungasup timaanik misissuinerup takutippaa angut 46-nik ukiulik avaarnermik peqquteqartumik toqusimasoq. Suliamut atatillugu killisiorneqartut ilaat ataaseq aggersarneqaqqissasoq politiit oqaatigaat.

Paasissutissat amigaatigineqartut 46-nik ukiullip ulluunerani sulerisimaneranut attuumassuteqarput unnuaaneranilu nassaarineqarnerata nalaani pisimasunut attuumassuteqaratik paasiniaanermut aqutsisoq Johan Westen oqarpoq.

Politiit suliamut atatillugu aamma pasisaqarsimanngillat.

46-nik ukiullip ulluunerani sulerisimaneranik ilisimannittut 20-t missaat apersorneqareerput, kisianni unnuaanerani sulerisimaneranik ilisimannittunik pissarsisinnaasimanngilavut, Johan Westen oqarpoq.

Taamaattumik angut 46-nik ukiulik ajutoornermik peqquteqartumik  toqusimassasoq politiit ilimagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq