Toqutsisoqarnerani tallimat pasineqarput
Angut 26-nik ukiulik tioqungasoq Nuummi Radiop qaqqaani juunip 20-at nassaarineqarpoq taamanerniillu politiit suliaq toqutsisoqarsimaneratut paasiniaaffigaat.
- Inuit tallimat maanna tigummigallarneqarput toqutsinermi pasineqartutut, Politimestereqarfimmi unnerluussisussaatitaasoq Lars Bo Jensen KNRimut oqarpoq.
Nuummi politiit Rigspolitiit paasiniaaqqissaartartuinik ikiorteqarsimapput.
- Toqutsiffiusumit atortut assiginngitsorpassuit Danmarkimi misissoqqissaagassanngorlugit nassiussimavagut ataavartumillu paasissutissanik pissasisarpugut, Lars Bo Jensen oqarpoq.
- Paasiniaanermut atatillugu inuppassuit killisiorneqarsimapput killisiuisarnerillu suli ingerlapput. Paasiniaanerli akornuserumanagu matoqqasumik ingerlanneqarnissaa toqqarsimavarput. Taamaattumik paasissutissanik amerlanerusunik maannakuugallartoq tunniussaqarsinnaanngilanga, Lars Bo Jensen oqarpoq.
Politiit unnerluutiginninngillat.
