Toqutsisoq suli tigusarineqanngilaq
- Misissuinerit suli ingerlammata annertunersumik oqaaseqarsinnaanngikkallarpugut, Politimesteqarfimmut saaffiginninnermi akissutigineqartartoq taama nipeqarpoq.
Ilulissani toqutsisoqarneranit ullut 16-it qaangiutereerput. Toqutsinermut paasiniaanermut atatillugu politiit, toqutsiffimmi misissuisartunit naalagaaffimmi politiit qullersaqarfianneersunit, ikiorneqarput. Toqutsiffimmi misissuinerannit misissugassat nassaarineqartut Danmarkimut nassiunneqareersimalerput.
- Misissuinerit taakku inerneri massakkut utaqqivagut, Viggo Johansen Politimestereqarfimmeersoq oqarpoq.
- Misissugassat suuneri oqaluttuarisinnaavigit?
Misissuinerit suli ingerlammata annertunersumik oqaaseqarsinnaanngikkallarpunga, Viggo Johansen oqarpoq.
Toqutsinermut paasiniaasartut naalagaaffimmi politiit qullersaqarfianneersut aamma Ilulissanut misissuiartoreerput. Taakku misissuinerat qanoq inerneqarnersoq politiinit aamma oqaaseqarfigineqanngilaq, kisianni siornatigut paasissutissiissutigineqartut naapertorlugit inuit 47-t ilisimannittutut apersorneqareerput, taakkunannga ataasiakkaat arlaleriarlugit apersorneqarlutik.
Toqutsinermut atatillugu pasisaqarpisi?
- Misissuinerit suli ingerlammata annertunersumik oqaaseqarsinnaanngilanga, Viggo Johansen oqarpoq.