Toqutsisoq eqqartuunneqartoq
Ullumi nalunaaqutaq ataatsinut aasaq Nuup ilaani Nuussuarmi toqutsinermut atatillugu pineqaatissiisoqassaaq.
Juulli sioqqullugu Nuummi Eqqartuussiviup angut 48-nik ukiulik ukiuni tallimani pinerluuteqarsimasunut inissiisarfimmiittussanngorlugu pineqaatissippaa. Ippassaq ulloq naallugu Nunatta Eqqartuussiviani pisimasoq uteqqinneqarpoq. Angutip pineqaatissinneqarnini suliareqqitassanngortimmagu.
Soorlu unnerluutigineqartup ulloq toqutsiffiusoq sioqqullugu iisartakkanik merianngunaveersaatinik tallimanik sianiutigissaatinillu sisamanik iisartagartorsimavoq sprititorlunilu.
Pineqaatissiineq ullumi ataatsinut pissaaq – unnerluussisup ukiut tallimat pinerluuteqarsimasunut inissiisarfimmiitinneqarnissaa piumasaraa – illersuisup pinngitsuutinneqarnissaa piumasaralugu.
Toqutsisimanermut unnerluussinerup saniatigut sioorasaarisimanermut tunngasoq eqqartuussiviup aalajangiiffigissavaa. Unnerluussummut tassunga 48-nik ukiulik pisuutitaareerpoq.
