Toqutsinissamik sioorasaarineq tupannarpoq akuerineqarsinnaananilu

Taamatut allappoq partii Siumut Nuummi immikkortortaqarfiata siulittaasua Kim Godtfredsen naalakkersuisut siulittaasuata Hans Enoksenip ippassaq aqqusinermi angummit aalakoortumik aallaaneqarnissaanik sioorasaarneqarnera aallaavigalugu tusagassiuutinut nalunaaruteqarnermini.

Pisoq tupannaqisoq akuerineqarsinnaanngilluinnarpoq inuttaasullu tamat oqartussaaqataanerisa tunngavimmikkut aaqqissugaanerat annertoorujussuarmik innalerneqarpoq, Kim Godtfredsen allappoq. Qinikkat ulluinnarni atugaasigut aammalu innutaaqataasutut inuunerini taama kiffaanngissusiiaaneq malersuilluni iliuusaavoq akuerineqarsinnaanngilluinnartoq. Inuiaqatigiinni taamatut pisoqaqqinnginnissaa pisinnaasarput tamaat illersortuarneqassasoq Kim Godtfredsen oqarpoq.

Angut inuusuttoq Naalakkersuisut siulittaasuannik Hans Enoksenimik naalakkersuisunullu ilaasortamik Per Berthelsenimik aallaallugit toqunneqarnissaanik sioorasaarisoq Nuummi Politiinit tigusarineqarpoq, maannakkullu Nuup eqqartuussiviani killisiorneqarpoq, nalunaaqutaq marlunut aallartittumik Nuummi politiit nalunaarput.