Toqutsinermi suli paasisaqanngillat

Arnap 63-inik ukiullip sapaammi ullaakkut toquneranut atatillugu Tasiilami politiit suli tigusarinnigatillu pasisaqanngillat. Takunnissimasinnaasunik politiit suli oqaloqateqarusupput.
Allattoq Noah Mølgaard
decembarip 06-at 2012 06:41

Arnaq 63-inik  ukiulik toqungasoq sapaammi ullaassakkut nalunaaqutaq 05.00-ip aamma 06.00-ip akornanni imerniartarfiup 'Klubben'ip silataani nassaarineqarpoq. Arnaq kiinnamigut assut ajoqusersimavoq. Taamaammat toqutsisoqarsimasinnaanera polititiit aarleqqutigaat.

- Suli tigusarinnigatalu pasisaqanngilagut, Tasiilami politiini ulluinnarni aqutsiaoq Mathæus Larsen KNR.gl-mut oqarpoq.

Toqusut timaannik misissuisartoq Danmarkimiit Tasiilaliarpoq arnap 63-inik ukiullip timaa misissoriartorlugu. Tunumili silarlunnera pissutigalugu suli apuutinngilaq aatsaallu arfininngorpat apuussinnaanissaa naatsorsuutigineqarluni.

Inuit takunnissimasinnaasut imaluunniit paasiniaanermi iluaqutaasinnaasunik paasissutissaatillit politiit suli oqaloqatigerusuppaat. Inuppaaluit politiinut sapaatiummalli saaffiginnereersimapput maannamulli qanoq pisoqarsimanera suli paasineqanngilaq.

Tasiilami politiit oqarasuaataat normoqarpoq 981448.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq