Toqutaasimasut 47-t nassaarineqarput
Muslimit shiasiortut sunnimuslimillu akornanni Irakimi akersuuttoqartuarsinnarpoq.
Irakip illoqarfiisa pingaarnersaanni Baghdadimi inuit 47-t toqutaasimasut, toqutaannginnerminilu naalliutsinneqarsimasut, ullumi nassaarineqarput. Baghdadimi politiit taama ilisimatitsipput.
Ullualunnguit matuma siornatigut inuit toqutaasimasut 52-it Baghdadimi nassaarineqarput.
Akersuunnerit ingasatsikkaluttuinnarmata Baghdad avataaninngaanniit Irakip USA-llu sakkutuuinit iserfigineqarsinnaajunnaarsinneqarpoq.
USA-p Irakimi sakkutuuisa naalagarsuat, general Peter Chiarelli oqarpoq muslimit shiasiortut sunnimuslimillu akornanni akersuunnerit unitsinniarlugit Baghdad avataaninngaanniit iserfigineqarsinnaajunnaarsikkaat.