Toqusumut tunngatillugu tigummigallagaasoqarpoq
Angut 62-inik ukiulik, blok P-mi inissiat ilaanni toqungasoq, ippassaq nassaarineqarpoq, tassungalu atatillugu politiit tigummigallagaqalerput. Toqussutaasoq pillugu politiit suli misissueqqissaartut, Politimestereqarfimmiit oqaatigineqarpoq.
- Nassaarineqartoq toqutaasimanersoq paasiniarlugu politiit maanna misissuipput, Politimestereqarfimmi unnerluussissuserisoq Anne-Sophie Lohse oqarpoq.
Tigummigallagaasup suiaassusaa ukiuilu pillugit politiit suli nassuiaateqarumanngillat. Taanna Nuup eqqartuussiviani ullumi killisiorneqassaaq, tassungalu atatillugu politiit qanoq unnerluussinissamut piumasaqaateqassanersut suli oqaatigineqarumanngilaq.