Toqungasup toqutaasimanissaa qularutigineqanngitsoq

Toqusoqarsimatillugu misissuisartoq arnap Aasianni toqungalluni nassaarineqartup timaa misissoreerlugu Danmarkimut ullaaq uterpoq.

- Arnap toqutaasimanera qularutissaanngilaq, Aasianni politeeqarfimmi pisortaq Gerth Jacobsen oqarpoq.

Arnaq 36-inik ukioqartoq, marlunnik meeralik, Aasianni inissiat ilaanni ataasinngornerup marlunngornerullu akornani toqungasoq ullaassakkut siumorneqarpoq. Inissiami tassani ernguttoqarsimavoq.

Misissuiartortitaq inuup sumik toqquteqarsimaneranik misissuisartoq, Aasiannut ippassaq tikippoq, arnallu timaa unnukkut misissorlugu.

Timaanit misissoqqitassanik arlalinnik tigusisoqarpoq, taakkulu ullaaq Danmarkimut aallarunneqarput.

- Misissuinerit naammassippata nalunarunnaassaaq arnap sunarpiaq toqqutigisimaneraa, Gerth Jakobsen oqarpoq.

Angut toqutsisutut pasisaq marlunngormat tigusarineqarpoq, sapaatip-akunnerini sisamani tigummigallagassanngortinneqarluni.