Toqunartortalimmik immuttorsimallutik toqusut sisamanngorput
Immuulli akua toqunartortalik, Melamin, immunni panertuniinnaanngitsoq, immunnili asiujuillisakkani aamma naammattoorneqarsimavoq, tassa Kinami immunni asiujuillisakkani, UHT-ni.
Immuliorfiup Arlap suleqatigisaa, Mengnui, pisumut kingullermut ilaatigut akuuvoq, Mongoli(i)ami illoqarfiit ilaanni, Hohot-imi, immunnik panertunik nioqqutissiorfimmik Arlap taanna ingerlatseqatigimmagu.
Kinami immuit toqunartortaqarnerat OL-eqanngikkallarmalli ilisimaneqarpoq, Olympiadeqarneranilu peqataasut nerisassaat immunnik akoqarsinnaasut immikkut misissoqqissaarneqarneqarput, inuussutissat misissorneqartarnerat pillugu Kinami pisortaq oqarpoq.
Kinamili innuttaasunut – taakkulu naalungiarsuutaannut, tunniussugassat nakkutigineqanngitsoorsimapput, Tuluit Nunaanni aviisimi, The Telegraphimi, taama allaaserinnittoqarpoq.