Toqunartoq nassaaraat

Atortussaq radioaktiviusoq toqunartoq russit kilitsissiarisimasaata Aleksander Litvinenko-p toqqutigisaa Londonimi neriniartarfimmi allami aamma nassaarineqarsimavoq.

Tuluit peqqissutsimut oqartussaasui ullumi taama nalunaarput. Atortussaq polonium 210-tut ilisimaneqartoq neriniartarfimmi Londonip qiterpasinnerusortaaniittumi nassaarineqarpoq.

Neriniartarfimmi sulisut peqqissutsiminnik misissuiffigineqarnissamut neqeroorfigineqarsimapput. Neriniartarfik matuneqanngilaq neriartortullu ernummatissaqanngitsut oqartussaasunit oqaatigineqarpoq.

Litvinenkop neriniartarfimminut neriartorsimaneranik eqqaamasaqarani neriniartarfiutilik BBC-mut oqarpoq.

Litvinenko novembarip 23-anni toquvoq toquneralu sapaatip akunnerinik pingasunik sioqqullugu neriniartarfimmiissimaneranik russinillu marlunnik naapisimaagaqarsimaneranik attuumassuteqartinneqarpoq.

Kilitsissiaasimasoq Ruslandip maanna præsidentianik Vladimir Putinimik isornartorsiuisartutut ilisimaneqarpoq.