Toqumut pillarneqarnissaat piumasaraat
Irakimi naalakkersuisut Saddamip præsidentiunerata nalaani qaffasissumik inissisimasimasut pingasut pillaammik toqunneqarniassammata USA-miit Irakimut tunniunneqaqquneqarput.
Allattoq Mads Lynge
Irakimi naalakkersuisut Saddamip præsidentiunerata nalaani qaffasissumik inissisimasimasut pingasut pillaammik toqunneqarniassammata USA-miit Irakimut tunniunneqaqquneqarput, tusagassiorfik Reuters allappoq.
USA-li tunniussinissaminut nangaavoq inatsisit atuutsinniarneqartut tutsuiginassusaat apeqquserneqarmat. Tunniuteqquneqartut tassaapput Saddamip illortaava Ali Hassan al-Majeed, aamma kemiske Alimik taaneqartartoq, siornatigut Illersornissamut naalakkersuisuusimasoq Sultan Hashem kiisalu Irakip saakkutuuinut qullersaasimasoq Hussein Rashid Muhammed.