Toqqorterneqartutut misigipput
Meeqqat atuarfianni tarnimikkut innarluutillit piginnaatitaaffii pisinnaatitaaffiilu peqqussutini nalunaarutinilu nassaassaanngillat.
Tamannalu peqqutaasinnaavoq nunatsinni tarnimikkut innarluutilinnut meeqqanut atuarfeqannginneranut.
Taamaattorli Ilulissani ilinniartitsisut eqeersimaartut pisortallu tapersersuilluarneratigut tarnimikkut innarluutillit eqqumaffigineqarsimapput.
Ilulissanimi tarnimikkut innarluutillit Specialcenterimik taasakkamik meeqqanut atuarfeqarput. Ingerlaniarneralli ineriartorteqqinniarneralu ajornaatsuinnaanngilaq peqqussutit nalunaarutillu inatsisini amigaataammata.
Taamaammat Ilinniartitsisut Kattuffiata IMAK-ip siulittaasua Sivso Dorph ima oqarpoq.
Pisussaaffik taanna annertuumik aamma Namminersornerullutik Oqartussaniittariaqaraluarpoq tamarmik kommunet tamarmik tamanna akisussaaffigimmassuk aammalu inatsisartut aamma akisussaaffigimmassuk.
Tassa nunatsinni oqartussaasut tamarmik tarnimikkut innarluutilinnut pisussaaffeqarlutik ilisimasariaqarpaat.
Taamaasillunilu Ilinniartitsisut Kattuffiata ilaasortani taperserpai, matumuunalu akisussaasunut erseqqissaatigalugu oqartussaasut meeqqat tarnimikkut innarluutillit aamma inatsisitigut illersortariaqaraat.
