Toqqortaasa erniaat 5,5 procentiussapput
Soraarnerussutisiaqalernissamut Aningaasaateqarfiup, SISA-p, ilaasortani 30.000-iusut soraarnerussutisiassamittut toqqortaat 5,5 procentimik ukioq manna ernialerpai.
Allattoq Mads Lynge
SISA-p siulittaasua, Jess G. Berthelsen, siulersuisutut ima oqaaseqaateqarpoq.
- Ukiuni kingullerni arlalinni aningaasanik erniortitsinermini SISA angusaqarluartarsimavoq, ilaasortallu toqqortaannik qaffasissumik ernialiisarnermi saniatigut aningaasanik sillimmatitut iluatsitsilluartarsimalluni.
- Aningaasanik erniortitsinermi ukioq 2007 ukiut siuliisulli angusarissaarfigisussaanngikkaluarlutigu, taamaattoq SISA-p aningaasaqarnikkut sillimmasersorluarsimanera tunngavigalugu ilaasortat toqqortaat 5,5 procentimik ernialersinnaavagut, Jess G. Berthelsen oqarpoq.