Toqqaannartumik GM-imut

Ullumili pingasunngornermi paasinarsissaaq avannaani anngunniullutik unammisussat, Aasianniit T-41 kiisalu Uummannamiit Malamuk toqqaannartumik nunatsinni pissartanngorniutivinnernut anngutissanersut.

Taamaattoqassappat Tunumiit A.T.A.unammersuarnissamut anngunnikuugaluartut, peqataanissamut akissaqannginneq peqqutigalugu peqataanissaraluartik tunuartissavaat, taarsiullugu Avannaani iligiiaat marluk unammisussaagaluartut toqqaannartumik anngutissallutik.

Tamannali aatsaat ullumi paasinarsiumaartoq Kalaallit Nunaanni Arsaattartut Kattuffianni siulittaasup tulliata John Thorsenip oqaatigaa. 

Maannamut silami angutini pissartanngorniutivinnissami annguttut ukuupput:

Aaqqissuisut SAk Sisimiut
Eqaluk 56 Ikerasak
Kûgssak 45 Qasigiannguit
G-44 Qeqertarsuaq
Kâgssagssuk Maniitsoq
B-67 Nuuk
Nâgttoralik Paamiut
K-1933 Qaqortoq
A.T.A Tasiilaq