Tommy Marø uppernarsaaqquaat

Aamma ilinniartut piumasariniarpaat inatsisartut Ilimmarfiup aqunneqarneranut inatsisissatut siunnersuutip pingajussaaneernissaa kinguartissagaat, Ilisimatusarfimmi ukiut pingajussaa ilinniartoq Margrethe Thårup Knudsen ima oqarpoq.

Demo: Ilinniartitaanerup qaffasissusian appartikkusunngeqaarput…. Eeeee.

- Inatsisartut massakkut ataatsinut ataatsimiillutik aallartikkunik eqqartortussaavaat styrelseslovissaq nutaaq. Ippassa aamma kerliussutsimik takutitsilluta oqaatigigamikku styrelseslovissaq aqgu atulissasoq. Taanna naammaginngilluinnaqqissaarparput. Nalunnginnatsigu kingunissai qanoq isikkoqartussaassanersut, Marthe Thårup Knudsen oqarpoq.

Kultureqarnermut, Ilinniartitaanermut Ilageeqarnermullu Naalakkersuisup Tommy Marø-p Qanorooq-mut ilanngutassiami apersorneqarnermini oqaaserisai aamma ilinniartut pasillerneqartutut misigaat.

-Tommy Marøp ilinniartunik tatiginninnginnera pasilliilluni oqaaseqarnera torinngitsutut isigigatsigu, tassami rektorimit lektorinillu aqunneqarlutik ilinniartut akerliussutsimik takutitsinerarlugit oqarami.

Eqqunngilluinnartutut tamanna ilinniartut oqaatigiumavaat.

- Uagummi nammineq ilinniartutut siunissaq qaninnerusoq ungasinnerusorlu ajunnginnerpaamik immitsinnut aqqutissiuukkumallugu taamaasiorpugut. Nammineq takusinnaagatsigu kukkusumik iliortoqalersoq.

Ilinniartut isumaqarput Tommy Marøp taamatut pasilliinini uppernarsartariaqaraa.

- Ilinniartunut tatiginninnginnera torinngippallaaqaaq, aali ilageeqarnermut ilinniartitaanermut kultureqarnermullu naalakkersuisuulluni.Qanormitaava ilinniartut sullisissagamigit, tatiginagillu, Margrethe Thårup Knudsen oqarpoq.

Ilinniartoqatigiit isumaqatigiipput inatsisartut ataatsimiittarfiliassallutik, tusarnaariarlutik.

- Studiegruppetsinni eqqartoqatigiissutiginikuuarput kissaatigigaluarlugu inatsisissaq pingajussaaneerneqarnissaa kinguartinneqassasoq.

DEMO: Soormitaavaana aalajangiisussat ilisimatusarneq ilisimasaqarnerlu pingaaruteqartutut isiginnikkaat. Eeeeeee.

Ilimmarfimmut nooqataasussat nooqataasussaanngitsullu soorlu Ilisimatusarfimmiut, Qeqqani ilinniarnertuunngorniat, Ilinniarfissuarmi ilinniartut, Inunnik Isumaginninnermik Siunnersortinngorniat allallu ippassaq akerliussutsimik takutitsinermi peqataapput.