Tommy Marø tatigineqarunnaarnissamit aninguivoq

Inatsisartut Radioavisi aallartinngilaartoq suli ataatsimiipput, Qasigiannguani Efterskolissdamut ilassutitut aningaasaliissutissamik suliaqarnermut tunngasunik, oqallisaaqisunik suliaqarlutik.

Demokraatit sapaatit akunnerat aallartilaartoq piumasaqarput, ilinniartitaanermut naalakkersuisumut, Tommy Marømut tatiginnikkunnaarnermik nalunaartoqassasoq.

- Ilinniartitaanermut Naalakkersuisoq inatsimmi uani eqqartorneqartumut eqqunngitsuliorsimavoq, Qasigiannguani efterskolissamut qinnuteqaatip suliarineqarnerani, Demokraatit oqarpoq.

Kulkkunersiuinermik suliaqartut Deloitte, allapput, Tommy Marø Inatsisartut aningaasaqarnermut ataatsimiisitaliaanut paasissutissanik pingaaruteqartunik isertuussisimasoq.

Tommy Marømik tatiginikkunnaarnermik Demokraatit siunnersuutaat Inatsisartuni unnukkiartortoq suliarineqarmat, partiit naalakkersuisuutitaqartut ataatsimik amerlanerussuteqarlutik itigartitsipput. Tassa inatsisartunut ilaasortat 16 itigartitsipput, illuatungiliuttut tamarmik -

inatssiartunut ilaasortat 14-it - 15-it siunnersuummut akuersigaluarput.