Tom Høyem: Kalaallit Nunaat qipoqqartassinneqarsinnaagaluarpoq
Arfernik annernik piniaqqusinnginnerup qaqugorsuaq tikillugu atuutsinneqarani, piffissami aalajangiussami kisiat atuutsinneqarnissaa Tom Høyemip erseqqissaatigigaa, Sermitsiap nittartagaani atuarneqarsinnaavoq:
- Ilisimatuussutsikkut paasisat najoqqutaralugit innersuussutillu naapertorlugit piniaqqusiunnaarallarnissaq eqqupparparput. Arferli pineqartup nungusaanissaanut aarlerinaateqarunnaarpat piniarneqarsinnaalernissaa pilersaarutaajuarpoq, Tom Høyem allappoq, arferillu ilaasa piniarneqarsinnaalersimanerat erseqqissaatigalugu.
Danmarki EU-mi nunani kisiartaalluni Issittumi pissutsinut attuumassuteqartuunera tupigusuutiginngilaa:
- Arfanniartarneq EU-mi ilaasortanut allanut eqqarsaatersuutaannaavoq misilittagaqarfiunanilu, Tom Høyem, Kalaallit Nunaannut tunngasunut 1982-imiit 1987-imut ministeriusoq Sermitsiamut oqarpoq.