Angutit isikkamik arsaallutik Nuummi pissartanngorniunneranni fiiaranngortut Kulusummiut TM-62 angerlamut uterneq ajuleraluarput, Tasiilap kommuneata akiliukkumanagit nalunaarfigigaluaramigit. Ullumili timersoqatiit Kommunimit nuannersumik tusarlerneqarput, angerlarnissaannunngooq akiliunniarpaat. TM-62 Nuup mittarfianit aallalersut alakkarterpagut aqutsisuallu Moses Bajare oqaloqatigalugu.
Ullumi ulloq qeqqarluinnalersoq kinannguugaluarnersoq mobil-innut sianerpoq oqarlunilu ” bilitsissaasi aaniarsigit akilerneqareerput!” taamaalineraniilli inuunerput allanngorluinnarpoq, tamanalu kajuminnaqaaq TM-62-ip aqutsisua Moses Bajare oqarpoq.” Kulusummut tikinnissatsinnut ilaquttatta qilanaareqaat utaqqikatallutillu, taamatut angusarissaarluta utissagatta parsiarusuppummi aamma” Timersoqatigiiffiup TM-62–ip aqutsisua Moses Bajare oqarpoq.
Air Greenland-ip timmisartuussinissamut pilersaarutaa malillugu unnumanna nalunaaqutaq 18:35 arfineq marlunut tanneq arfineq-marlunut TM-62 nunaqarfimminnut Kulusumut tikissapput.
