Tivolimi piareersaatit naammassipput
Kalaallit Nunaat pillugu Tivolimi ulloqarnissaanut, juulip 30-aniit aggustip aallaqqaataata tungaanut ingerlanneqartussanut piareersaatit kingulliit naammassilerput.
Peqatigiiffimmi Kalaallit Nunaat Tivolimi siuliuttaasup Sidsel Møllerip paasissutissat pilersaarutillu naqiterivimmut tunniussassat kingulliit tunniuteqqammerpai.
- Aatsaat siullermeerluta takutikkusutagut akissaqarfigaavut, peqatigiiffiup siulittaasua ulapaarsimaqisoq Sidsel Møller radioaviisimut oqarpoq.
Ukiuni siuliini aningaasat peqatigiiffimmut ”Kalaallit Nunaat Tivolimi”-mut isertartut takujumasanut tamanut naammattarsimanngitsut ukioq manna kissaatigisanut aningaasat naammattut Sidsel Møllerip unnersiutigaa.
Danmarkimi tusaamaneqarluartoq nipilersortartoq Henning Stærk, Kalaallit Nunaanni tusaamasamut Ole Kristiansenip aggustip allaqqaataani nipilersornissaanut kissassaasuussaaq.
Qaannamik ullumut pingasoriarluni takutitsisoqartassaaq, Kalaallit Nunaanneersunik nerisassanik sanalukkanik, atisanik atuagassanillu saqqummersitsisoqassaaq, kiisalu nipilersortartut assigiinngitsut nipilersortassallutik.
