Tivolimi aaqqissuussinerit ornigarluarneqarput

Tallimanngormat ammaanersiornermi sialleraluartoq inuit amerlasuut peqataapput.

- Isumaqarpunga soqutiginninneq ajunngilluinnartoq inuppassuillu kalaallit nunaannersut aammalumi nunani allaniit takornariat tivolimukaalluarsimapput. Nuannerpopq Kalaallit Nunaat pillugu maani tivolimi taamatut takutitsisinnaagatta.

Takkuttut amerlassusaat ajunngilaq. Tivolimiit paasitinneqarpugut tallimanngorneq arfininngornerlu inuit 55.000-it isersimasimasut. Tallimanngormat Lis Sørensen tusarnaartitsisvoq, tassungaannarlu tusarnaariartut 15.000-it missaanniissimapput. Ullut marluk ingerlaneranni inuit 55.000-it isersimammata naammagisimaarpagut, amerlasuullu ullunut pingasunut billetsisisimapput, Søren Thalund oqarpoq.

Tivolimi aaqqissuusionerup ulluanut kingullermut soqutiginninneq angivoq ullullu qeqqeta siorna tivolip isaariaani utaqqisoqalerieerpoq.

- Ullumikkut pisoqarfiunerussaaq. Ullup qeqqatalu siorna aqqanernut Tivolip isaariaani pisarnertut utaqqisoqalereersimavoq. Ualimut silassaq ajunngilaq, kisiannili unnugu siallilaassagunarpoq. Inuilli aggialluarnissaat ilimanarpoq. Isumaqarpugut naatsorsuutigisatsitut aaqqissuussinerit ingerlanneqartut. Nipilersortuttaaq aamma pitsaasimaqaat. Nivi Nielsen, Simon Lynge aamma Bacchus Breed inunnit nuannarineqarluarput aamma soorunami Aasiaat Nipaat tusarnerluinnartumik erinarsortartut nuannarineqaqaat, Søren Thalund oqarpoq.