Titartaasoq marlunngorpat ilisaritinneqassaaq
”Nunatta Eqqumiitsulianik Saqqummersitsiviata” siulersuisuisa titartaasitsinermi ajugaasoq marlunngorpat saqqummiutissavaat, tamannalu pissaaq ualikkut sisamanut Nuummi kommunip allaffiata Innuttaasunut sullissiviani.
Titartaasarfik unamisitsinermi ajugaasoq saqqummiussinermi najuutissaaq. Siulersuisuni ilaasortat ajugaasumik toqqaasimasutaat saqqummiussinermi aamma najuutissapput.
Unammisitsinermi ajugaasup saqqummiunneqarnerani titartaasarfiit unammeqataasimasut tamarmik siunnersuutigisimasaat aamma saqqummersinneqassapput.
Saqqummersitat Nuummi rådhusimi takuniarneqarsinnaapput februaarip 15-iat ilanngullugu. Soqutiginnittut tamarmik tikilluaqquneqarput siunnersuutigineqarsimasut tallimaasut alutornartumik assigiinngissuseqartut qimerluualaariartussallugit.