Titartaasartup toqqusassillugu toqunnissaa pilersaarutaasimavoq

Kurt Westergaardip, titartaasartup 73-inik ukiullip, Muuamaat ilaarutigalugu kangiamiut nasaannik qaartartortalimmik titartaasup, toqqusassillugu toqunnissaa Tunesiamiut marluk pilersaarusiorsimagaluarpaat.
Allattoq Louise M. Kleemann
juunip 19-at 2008 07:29

Politiit isertortumik paasiniaasartuisa Danmarkimut nunasiniartunut ministeeriaqarfimmut pappilissanik tunniussaannik misissuereerluni Nyhedsavisen taama allaaserisaqarpoq.

Tunesiamiut taakku marluk, nunamik allamiumik Danmarkimut nunasisimasumik pingajoqartut, politiit isertortumik paasiniaasartuinit februaarimi tigusarineqarput, Muuamaat ilaarutigalugu titartakkat aqqaneq marluusut ilaannik titartaasumik toqutsiniartutut pasineqarlutik. Titartakkat taakku nunani Arabereqarfiusuni Danmarkimut akerliuniarnernik sakkortuunik kinguneqartinneqarput.

Tunesiamiup 26-nik ukiullip angerlarsimaffiata oktobarimi misissuiffigineqarneratigut politiit isertortumik paasiniaasartuisa pappilissatigut paasivaat Tunesiamiut taakku marluk Westergaardip angerlarsimaffia eqqaamiuilu alaatsinaaqqissaarsimagaat.

Tunesiamiut taakku marluk suli parnaarusimaneqarput aqagulu Danmarkimi eqqartuussiviit Qullersaanni sassartinneqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq