Titartaasartup suliai pilerigineqaqaat
- Qanoq akeqassanersut namminerluunniit aalajangersinnaavarput, Skanderborgimi pisiniarfimmik Galleri Draupnerimik piginnittoq, Erik Guldager, oqarpoq. Kurt Westergaardip titartagai imilersarissamillu qalipagai pisiniarfimmi tassani saqqummersinneqarlutillu nioqqutigineqarput.
Aviisimimi Jyllands-Postenimi titartaasarsimasoq taanna nunani allani nuannarineqartorujussuanngorsimasoq, Danmarkip Radioata nittartagaani atuarneqarsinnaavoq.
Suli nuannarineqarnerulerpoq Kurt Westergaardip naammassisai pillugit, tusagassiorfinni naqisimaneqanngitsunik tusagassiisinnaanera - isummaminillu kiffaanngissuseqarluni - anitsisinnaanera pillugu Tysklandimi forbundskanslerip Angela Merkelip nersornaammik ippassaq tunereeraalu.
- Angela Merkel ippassaq ilagigatsigu, Kurt Westergaardip titartagaanik imilersarissamillu qalipagaanik inuit aqqaneq-marluk 14-illuunniit inniminniipput, qanorluunniit akeqaraluarpata soqutiginagit, ilaasaluunniimmi akii apeqqutigineq ajorpaat, Erik Guldager oqarpoq.
Aamma oqarpoq, titartakkat qalipakkallu akitsornissaat ussernartorsiornartaraluartoq. Kisianni suliaq ataaseq 4.000 koruunit 8.000 koruunillu akornanni akeqartarpoq, akiilu taamaaginnassapput, Erik Guldager erseqqissaavoq.
Qalipakkat imilersarissamillu qalipakkat nutaat Kurt Westergaardip Skanderborgimi decembarip qaammataani saqqummersissavai.
