Titanicip kivinerani annassimasup kuffertini tuniniarpaa
Umiarsuarsuup ilaasortaatip Titanicip 1912-imi kivinerani annassimasuni suli uumasut kingullersaat, 96-inik ukiullip Millvina Deanip, akiligassaminut akissaqarniarluni kuffertini taamanikkut atorsimasani maanna tuniniartariaqalersimavaa.
Allattoq Louise M. Kleemann
Ulloq unnuarlu paaqqutarinnittarfimmut akiligassanut akissaarniarluni Dean taamaaliortariaqartutut misigisimavoq.
Tamanna Danmarkip Radioata nittartagaani atuarneqarsinnaavoq.
Kufferti atisanik tammajuitsunillu allanik imaqartoq akitsorterivikkoorlugu tuniniarneqassaaq, 28.000-it koruuninillu isertitsisoqarsinnaanissaa neriuutigineqarluni.
- Kuffertimiittut tuniniartariaqarpakka, paaqqutarinnittarfiissinnaanissara qulakkeerusukkakku, Millvana Dean oqarpoq.
Umiarsuarsuaq Titanic 2200-nik ilaasoqarluni 1912-imi kivivoq, inuillu 1500-t sinnerlugit ajunaarlutik.