Tipigissaat immussuarsunnitsoq
Tuluit immuliorfiutillit arfineq-marluk immussuaq Stilton allatorluinnaq sanasimavaat.
Immuliorfiutillit kattullutik immussuarsunnitsumik tipigissaatiliorsimapput, tipigissaallugooq Eau de Stilton-imik taaguusersimavaat, tipigissaatip tikka umimmaap, naatitat, nunap kiisalu immussuup svampelikkap tikkanik sanaajusimavoq.
Immuliorfiutillillu oqaaseqartartuata tipigissaatip pilerigineqarnera unnersiutigisimagaluaqigaa tuluit arnartaasa ilaasa pilerinartippallaarsimanngilaat.
Tassami inuit akornanni nalinginnaasumik immussuaq taamaattoq mamaagineqarsinnaasarlunilu mamarineqarsinnaasarpoq.
Taamaakkaluartorligooq immussualiortartut tipigissaat iluarisimaarluinnarpaat.
Ulluni makkunani tipigissaat taanna tusagassiorfinni soqutigineqarsimaqaaq immussualiortartullu radio-kkut minnerpaamik 60-eriarlutik apersorneqareersimapput, taamaariarmallugooq immussuup Stiltonip tunisaanera 6 procentimik qaffariarsimavoq.
Maannalumi aamma tipigissaatip tipittup nutaarsiassartaa uagutsinnut annguppoq.
