Tintin kalaallisut saqqummernikuunngisaannarpoq

Angut silarsuarmi nuannarineqarnerpaanik titartaasartoq - belgiamiu titartaasartoq Hergé - nakkaannartitassaanngitsumut tusagassiortumut Tintin-imut ataataasoq – ullumikkut 100-nik ukioqalissagaluarpoq.

Tintin-ip aqqa taajuk, ingerlaannarlu angut tikkungasunik nujalik isigisutut ilissavat, qaammammukartoq, Kinami angalaartoq, qatigattuup qaanut ingilluni inoqajuitsumi angalaartoq imaluunniit qimutsuitsunut unissinnaajunnarsimasunut ilaalluni Andes-ip qaqqarsuini aallarsarsuaartoq. Tintin-ip angutaa belgiamiu, Georges Remi, eqqumiitsuliortutullu taaguuteqarpoq, Hergé. Uumaannaraluaruni 100-nik ullumikkut ukioqalissagaluarpoq, marsip pingajuanni 1983-imi toquvoq aammigut kræfteqarluni. Tintini titartaganngorluni 1929-mi saqqummeqqaarpoq, aviisiliortoq inuusuttoq Congo-mut angalaqqaarpoq.

Aviisiliortuunera angalaartuaannartuuneranut naleqqu-lluarpoq. Qarasaasiakkut inniminniilaaginnarluta ullumikkut Himalaya-liarsinnaavugut. Tintini pillugu aviiseeraliat 22-usut, 200 millioninngorlugit tunineqarsimapput, oqaatsinullu 72-inut nutserneqarsimallutik. Tintin-ip angutaata 100-liineranut atatillugu aningaasaliarineqarpoq euro-nngorlugu, kiisalu aamma frimærkiliarineqarluni, nunarsuarlu tamaat titartakkat saqqummersinne-qarlutik. Tintini pillugu filmi nutaaq aamma saqqum-mertussanngorpoq. Ringenes Herre-mi filmiliortuusi-masoq, Peter Jackson, Tintinimik nutaamik filmilior-tuussaaq, qarasaasiat nutaaliaalluinnartut atorlugit filmiliassaq piuminartunngorlugu marluk-pingasunngorlugu sananeqassaaq. Filmiliaq saqqummerpat Hergé eqqaamaneqartuaannartunngussaaq. Tintinilu 2000-kkunni kulturikkut pingaarnerpaat ilaattut taaneqarsinnaalissagunarluni.

Oqaasipiluutaasinnaasut tamaasa atorlugit oqaasipiluttuartoq, kaptajn Haddock, titartakkani aamma peqataajuaannarpoq.

- Uggornaraluaqaaq Tintin pillugu kalaallisuunngortitsisoqarsimanngimmat – nuannissagaluarpormi.