Tingulluttut akiuussutissamik kapineqartariaqarput

Kalaallit Nunaanni tingulluuteqarneq nunanut allanut sanilliullugu annertoorujussuusoq taanna oqarpoq, akiornissaanullu periarfissaqarluarnerarpaa.

-Inuiaqatigiit ilaanni tigulluutit hepatitis virus b imaluunniit Virus D atungaavallaarpata, taava akiuussutissamik meeqqat inunngornerini kapitittoqartarpoq, soorlu virussinut allanut taamaaliortareertugut. Siornatigut virus b-imut akiuussutissamut akit qaffasissut aporfiusarsimapput, ullumikkullu akit naliginnaasuupput, Ove Rosing Olsen oqarpoq. Taanna isumaqarpoq akiuussutissamik kapitissinnaaneq Kalaallit Nunaanni tamanut periarfissaasariaqartoq.

- Kalaallit Nunaata ilaanni tupinnannartumik annertussuseqartumik virussi atungaavoq, taamaattumik inuiaqatigiit virusimik siaruaaffigineqarnissaminnut periarfissaat annertuvoq,

Sisimiuni Peqqissaaveqarfimmi Nakorsat qullersaat Ove Rosing Olsen oqarpoq, taassuma tingulluut tingummut ulorianarsinnaasoq aamma oqaatigaa, - Inuit ilaat nappaammik naqisimanninngitsoortarput, piffissarlu sivisooq ingerlangaangat tinguk suliunnaarsinnaasarpoq toqumik kinguneqartumik imaluunniit tingukkut kræfteqalernermik. Tamannali nunatsinni qaqutigoortuusoq Ove Rosing Olsenip ima nassuiaateqarfigaa:

- Paasilikkatta ilaginnuatsiarpaat Hepatitis virus D aamma allatigut ajoqutaagaluarluni illersuutaasinnaasoq, kingunerlutsitinernik annikinnerulersitsilluni, Ove Rosing Olsen oqarpoq.

Taassuma ilisimatuussutsikkut allat peqatigalugit tingulluutip hepatitisvirus B aamma D-ip misissuiffiginerani paasisimavaat, Hepatitis virus D pigineqaraagat Hepatitis virus B pinngortartoq, taamaattumillu tingulluut akiorniarlugu akiuussutissamik kapitittoqartalertariaqartoq Ove Rosing Olsen oqarpoq.

Tingullunnermi timikkut makkua malugineqartarput, soorlu qasoqqaneq, meriannguneq, sorusussuseerunneq, kiagunneq ilaatigullu aamma sungarpallanneq.